बालश्रम विश्वव्यापी रुपमा निकै संवेदनशील बिषय हो । नेपालमा यसलाई समाजीकरणसंग जोडेर शताब्दियौं पुरानो अभ्यासको रुपमा लिईने गरिन्छ । नेपालमा बालबालिकाहरु पारिवारिक आयको लागि अथवा बिना पारिश्रमिक औपचारिक र अनौपचारिक क्षेत्रहरूमा संलग्न हुने एउटा अभिन्न जनशक्तिको रुपमा रहेका छन् । बालबालिकाको शिक्षा, स्वास्थ, सुरक्षा र नैतिक विकासका अधिकारबाट उनीहरुलाई वन्चित गर्ने कुनै पनि श्रम अपराध हो तर पनि बालश्रम नेपालमा निकै ठुलो समस्याको रुपमा विद्यमान छ । बालबालिकाहरुलाई जबरजस्ती खतरनाक वातावरणमा काम लगाउने र व्यावसायिक रूपमा यौन शोषण गरि हिंसाको क्रुर रुप सहन गर्न बाध्य पार्ने गरिने गरिन्छ ।

नेपालमा यो परियोजनाले वयस्क मनोरञ्जन क्षेत्रमा हुने निकृष्ट किसिमको बालश्रममा केन्द्रित रहेर काम गरिराखेको छ । यो परियोजनाले निकृष्ट किसिमको बालश्रममा रहेका बालबालिकाहरुको जीवन कथा संकलन गरेर उनीहरुको अनुभव र त्यहाँबाट आएका प्रमाणहरुको आधारमा समस्याको रचनात्मक समाधानहरुको खोजी गर्ने कार्य गर्दछ ।
यिनै प्रमाणहरुको आधारमा बालबालिकाहरुलाई केन्द्रमा राखेर क्लारिसाको विस्तृत सहभागितामूलक प्रक्रियाले बालबालिकाहरुलाई निकृष्ट किसिमको बालश्रममा लगाउने कारकहरुबाट टाढा रहन र बालश्रममा लाग्ने बाहेक अरु कुनै विकल्प नभएकाहरुको जीवन स्तर सुधार्न रचनात्मक समाधानहरुको खोजी गर्दछ ।